సమరం అనివార్యం

మతరాజ్య స్థాపనకు కలలుకంటున్న లష్కరులనే ముష్కరులు...

విశాలభారతంలో చేస్తున్న విధ్వంస రచన ....

ముజాహిద్లు...లష్కరే తోయిబాలు ...

పేరు ఏదైతేనేం పొరుగు దేశం పెంచిపోషిస్తున్న పిశాచగణ సమూహమిది ...

మహిషుని లోహపు గంటలు మెడలో ధరించి .....

మహిమాన్విత దేశాన్ని మరుభూమిగా మార్చి ....

మహోత్కృష్ట సంస్కృతిని అంతమొందించడమే వీరి అంతిమ లక్ష్యం ....

పరహితమే ఊపిరిగా పరిడవిల్లె ప్రజాస్వామ్య దేశానికి పెనుసవాలు ఇది ...

భిన్నసంస్కృతుల స్వర్గ ధామంలో సహజీవనం సాగించే స్వాప్నికుల ....

సుఖశాంతులు హరించే కుటిల యత్నంలో భాగమిది ....

పాలక .. ప్రతిపక్షాల నీలాపనిందలు నిజాలను వెలికితీయవు ...

నిన్ను నువ్వు నన్ను నేను కాపాడుకోవడమొక్కటే మిగిలింది ..

మితిమీరిన మంచితనంతో ప్రపంచదేశాల దగ్గర ప్రశంసలందుకొనే ....

పనికిమాలిన పాలకులకు ...బుద్ధి చెబుదాం ...

సమరం అనివార్యమని సవాలు విసురుదాం ....

ఒక్కసారి ఒళ్ళు విరిచి కళ్ళు తెరిచి వర్తమానాన్ని పరికిద్దాం ...

పక్కలో బల్లెమైన పాకిస్తాన్ ఎక్కడుండాలో నిర్దేశిద్దాం రండి ....

షార్ట్ కట్ గా స్నేహాన్ని నేను

ఆనందంలో అర్ధాంగి నేను..
దుఃఖంలో ఓదార్పు నేను..

కోపానికి కారణమవుతా.. ఆ కోపాన్నే కరిగించేస్తా..
మరణిస్తే ప్రాణం పోస్తా.. స్వర్గానికి నిచ్చెన వేస్తా..

అలకపాన్పుపై శ్రీ క్రిష్ణుడను
సయోధ్యకు మహావారధిని

ఆకలిలో అమృతం నేను
నిశీధిలో సమిధను నేను

ఒంటరితనంలో తోడు నేను
మండుటెండలో నీడ నేను

దగాపడి దిగాలుపడితే.. గబాలున బాసటనవుతా..
నిరాశ, నిస్పృహలావరిస్తే.. స్వస్తివాక్యములు నేనౌతా..

జీవనయానంలో వాహనాన్ని నేను
ఇలాతలంలో ప్రాణవాయువు నేను
ఎంత చెప్పినా తక్కువ నేను
షార్ట్-కట్ గా స్నేహాన్ని నేను

Whenever YOU smile..
I'm near YOU and sharing it.
When YOU feel sad..
I'm inside YOUR heart bearing the pain.

So my dear FRIEND..
be happy always.

"HAPPY FRIENDSHIP DAY"
మనమంతా స్నేహితులం.. సమసమాజ వారధులం..

'శ్యాం' స్మరణ

వాడికి నవ్వడం తెలుసు...

నవ్వించడం తెలుసు...

వెక్కిరించడం తెలుసు...

విసిగించడం తెలుసు...

కన్నీళ్ళు తెప్పించడం కూడా తెలుసని

మేం తెలుసుకొని అప్పుడే మూడేళ్ళు...

క్రైం రిపోర్టర్ కదా'మస్త్ శవం తెచ్చా హెడ్ లైన్ చెయ్

బుద్ధి లేకుండా ఎందుకు చస్తార్రా భాయ్'

ఇదీ వాడి ధోరణి'

ఎవడేమన్నా లైట్ తీస్కొ నచ్చిన పని చెయ్..

పక్కనున్న ప్రతివాణ్ణీ కాదు, ఫ్రెండ్ని నమ్ము'

ఇదీ వాడి ఫిలాసఫి...

వాడు దుడుకు మనిషి

నాది కుదురు స్వభావం

నేను ముడుచుకుపోతాను

వాడు విరుచుకుపడతాడు

నేను కనిపించినంత సౌమ్యుడిని కాదు

వాడు వినిపించినంత కఠినుడూ కాదు

మనసు గాయపడితే మాత్రం

ఇద్దరం ఒకేలా స్పందిస్తాం

అందుకే వాడంటే నాకిష్టం

వాడు ఇక లేడని తెలిసినప్పుడు

ఆ దు:ఖం నుంచి తేరుకోడానికి

కనీసం మూడు రోజులు పట్టింది

వాడి జ్ఞాపకాలను వొదులుకోవాలంటే

ఒక జన్మంతా సరిపోదేమో...

వాడు చాలా విలువైన మనిషి

విలువలున్న మనిషి...

కానీ ఎప్పుడో ఒకసారి ఎదురుపడితే

ఏ బుద్ధితో మాకు దూరమయ్యడో అడగాలి

ఏ స్నేహం వాడి మనసుని చిదిమేస్తే

ఇంత పనీ చేశాడో ఆరా తీయాలి...

ఎప్పటినుంచో మనసు తొలుస్తున్న ప్రశ్నలివి!!

మా 'షేమ్' గాడిని గుర్తుచేసుకున్నందుకు ఆనందంగా...

వాడికి ఏడవటమంటే అస్సలు నచ్చదు కదా...

-కేశవ్ www.kesland.blogspot.com